بقى رمضان ولازال ، ورح يبقى إن شالله شهر مبارك ، شهر كريم ،شهر كله خير وبركه ..... أهلا يا رمضان بس يهل هلاله ، هلال الخير والبركه يا هلاله ، للي بفهم فضله ،يرقص قلبه فرَح من المسره جذلان وقديش في رمضان شغلات من حياتنااليوميه بتتغير وقديش ....
بجمعنا الفرح عَ السفره مع صوت الآذان الله أكبر !! نغمتها في رمضان بتسحر ، بتداعب لِقلوب ،وبتخليها تهيج حب وشوق وشفافيه وحنان نفس الإنسان بتصفو ، وبتصير العباده طابعه ، وبتنجلي.....
هموم كثيره ، عن قلبه وللتوبه بقى عطشان بتجرد من كل حس مادي ، وبصير مثل الملاك ، شفاف مثل البلور ،ملتقي بروحه وقلبه مع الرب الديان ولرمضان الكريم المبارك عادات وتقاليد ، منها حميده ومنها مش حميده ،
بس عاد ...
هذي العادات في الإنسان من عاداته الحميده التواصل والروحانيه والشفافيه وصلة الرحم .....
والتسامح ، والتقارب مع الأهل والناس والجيران ومن عاداته اللي مش حميده الإسراف ، وعين الصايم فارغه ،قديش الناس بخطئوا فهم معنى صيام رمضان رمضان مش شهر طبيخ ولا شهر طبايخ ، آه لو عشتوا عصر ستي وسيدي ، عصر البساطه اللي القلب فيه هيمان بقت ستي وشويه من عصر أمي ، وعصر الحجات أم أحمد وأم منير ، جاراتها لأمي عصر ينبض في قلوبهم بحنان قعدت واياهن في ها لشمسه ، واستذكرنا رمضان ما بين اليوم ،وبين أيام البركه والخير .....
أيام زمان
قالن الحجّات : إسمع يا خالتي ، هذا رمضان بقى في حياتنا موسم فرح ،موسم نقطف الخير منه مثل العنب والرمان موسم نتزود من بركته لطول السنه ، وقصتنا مع رمضان أيام زمان ، قصه إلها في القلب والروح مطرح ومكان
قبل ما يهل بالخيرهلاله ، نسرح عَ الحطب ، نحطب حطبات رمضان ،
حطبات مباركات لطبخاته وخيره الريان أول ليله نطبخ عدس صحيح ، مشان نظل صحيحين ، ما يصيبنا كسر ولا حطم ،وينعم علينا من خيراته الفضل والأحسان
وبقينا نخبز رغيف نعلقه بصدر البيت ، من السنه للسنه ، لرمضان لمبارك ، وبركاته محتوى وعنوان والطحنه بقينا نطحنها عند أبو رضوان ، أيام بابوره ، قبل ما يصير يشوفر ،وينسى كاراته ابنه رضوان ونيال العريس اللي بتجوز برمضان ، مبارك ومرته مباركه ، واولاده مباركين ،جواز غيّه ، مبارك من الرب الديان
واللي بموت في رمضان محظوظ ، لرحمة الله دغري ، شهر مبارك ،وأجره مضاعف ، وان شاء الله من اصحاب الجنان
وبقينا نطبخ مما جاد المولى ، والشياطين مصفده ، والبركه من الله ،حايطه البيت ما دامه مصفد الشيطان
ونقلي مقالي قرع وامشاط ، ومدمس قرع وبحبوثه ودحابير وشوشبرك ،ذنين القاضي عالي المرتبه والشان واذا الموسم إشتا وطالع اللسيّن والركف ، نلفهن مع جاج بلدي عُتقي ،مرّبى في الحوش من أيام زمان زمان ومن الحلو للخروب دور كبير ، منه الخبيصه ، بنطحن عَ المِدّرَس قرون الخرّوب ،وبننقعهن في الميه أسهل للذوبان وثاني يوم بنصفيهن مرتين بشوره ولاّ بمنديل ، واذا بدنا نساوي مسَرّوله ، بنحط عليهن حليب طازه بعد رجعة الرعيان واذا حطينا مع الخروبات نشا بتصير هيطليه ، يقدح واحدنا بعد الأكل منها ، لمّا يوقف أباطه عز الشبعان والمسفن عجينه مع زيت زيتون بروحن ثنتين عَ الطابون ، وحده ترُق ،ووحده ترمي وهو يطقطق بالنيرانولمّا يرجعن بلاقين القطر جاهز ، ولاّ بترشهن بالسكر وهن سخنات ،بس القطر أزكى ، هيذ قالن النسوان وبعد العدس الصحيح ولاّ الرشتايه ، بندهكهن ومع كل لقمه بنقول :
بسم الله الحمد لله ، يا رب ديم القمح والزيت بأمان
وبعد ها لوجبه بنقعد نتعلل وواحد قاري يقرالنا عن الصحابه والأبرار ،اللي عمّروا ها لبلاد بالتقوى والإيمان وبعدين كل واحد بعرف كراجه ، عَ فرشته لوقت السحور بركه ،من ها لموجود بالدار دبس عنب ولاّ رُمّان
وثلاثين يوم ، ولاّ تسعه وعشرين ، نصومهن ونقومهن كل من عَ طاقته ،
وآخر ليله بننعف كرسنه ولاّ زوان
مشان تزحلق الشياطين اللي فلتت من أغلالها مع آذان آخر يوم ،
مبارك ها لشهر من أول سحور لآخر آذان
بجمعنا الفرح عَ السفره مع صوت الآذان الله أكبر !! نغمتها في رمضان بتسحر ، بتداعب لِقلوب ،وبتخليها تهيج حب وشوق وشفافيه وحنان نفس الإنسان بتصفو ، وبتصير العباده طابعه ، وبتنجلي.....
هموم كثيره ، عن قلبه وللتوبه بقى عطشان بتجرد من كل حس مادي ، وبصير مثل الملاك ، شفاف مثل البلور ،ملتقي بروحه وقلبه مع الرب الديان ولرمضان الكريم المبارك عادات وتقاليد ، منها حميده ومنها مش حميده ،
بس عاد ...
هذي العادات في الإنسان من عاداته الحميده التواصل والروحانيه والشفافيه وصلة الرحم .....
والتسامح ، والتقارب مع الأهل والناس والجيران ومن عاداته اللي مش حميده الإسراف ، وعين الصايم فارغه ،قديش الناس بخطئوا فهم معنى صيام رمضان رمضان مش شهر طبيخ ولا شهر طبايخ ، آه لو عشتوا عصر ستي وسيدي ، عصر البساطه اللي القلب فيه هيمان بقت ستي وشويه من عصر أمي ، وعصر الحجات أم أحمد وأم منير ، جاراتها لأمي عصر ينبض في قلوبهم بحنان قعدت واياهن في ها لشمسه ، واستذكرنا رمضان ما بين اليوم ،وبين أيام البركه والخير .....
أيام زمان
قالن الحجّات : إسمع يا خالتي ، هذا رمضان بقى في حياتنا موسم فرح ،موسم نقطف الخير منه مثل العنب والرمان موسم نتزود من بركته لطول السنه ، وقصتنا مع رمضان أيام زمان ، قصه إلها في القلب والروح مطرح ومكان
قبل ما يهل بالخيرهلاله ، نسرح عَ الحطب ، نحطب حطبات رمضان ،
حطبات مباركات لطبخاته وخيره الريان أول ليله نطبخ عدس صحيح ، مشان نظل صحيحين ، ما يصيبنا كسر ولا حطم ،وينعم علينا من خيراته الفضل والأحسان
وبقينا نخبز رغيف نعلقه بصدر البيت ، من السنه للسنه ، لرمضان لمبارك ، وبركاته محتوى وعنوان والطحنه بقينا نطحنها عند أبو رضوان ، أيام بابوره ، قبل ما يصير يشوفر ،وينسى كاراته ابنه رضوان ونيال العريس اللي بتجوز برمضان ، مبارك ومرته مباركه ، واولاده مباركين ،جواز غيّه ، مبارك من الرب الديان
واللي بموت في رمضان محظوظ ، لرحمة الله دغري ، شهر مبارك ،وأجره مضاعف ، وان شاء الله من اصحاب الجنان
وبقينا نطبخ مما جاد المولى ، والشياطين مصفده ، والبركه من الله ،حايطه البيت ما دامه مصفد الشيطان
ونقلي مقالي قرع وامشاط ، ومدمس قرع وبحبوثه ودحابير وشوشبرك ،ذنين القاضي عالي المرتبه والشان واذا الموسم إشتا وطالع اللسيّن والركف ، نلفهن مع جاج بلدي عُتقي ،مرّبى في الحوش من أيام زمان زمان ومن الحلو للخروب دور كبير ، منه الخبيصه ، بنطحن عَ المِدّرَس قرون الخرّوب ،وبننقعهن في الميه أسهل للذوبان وثاني يوم بنصفيهن مرتين بشوره ولاّ بمنديل ، واذا بدنا نساوي مسَرّوله ، بنحط عليهن حليب طازه بعد رجعة الرعيان واذا حطينا مع الخروبات نشا بتصير هيطليه ، يقدح واحدنا بعد الأكل منها ، لمّا يوقف أباطه عز الشبعان والمسفن عجينه مع زيت زيتون بروحن ثنتين عَ الطابون ، وحده ترُق ،ووحده ترمي وهو يطقطق بالنيرانولمّا يرجعن بلاقين القطر جاهز ، ولاّ بترشهن بالسكر وهن سخنات ،بس القطر أزكى ، هيذ قالن النسوان وبعد العدس الصحيح ولاّ الرشتايه ، بندهكهن ومع كل لقمه بنقول :
بسم الله الحمد لله ، يا رب ديم القمح والزيت بأمان
وبعد ها لوجبه بنقعد نتعلل وواحد قاري يقرالنا عن الصحابه والأبرار ،اللي عمّروا ها لبلاد بالتقوى والإيمان وبعدين كل واحد بعرف كراجه ، عَ فرشته لوقت السحور بركه ،من ها لموجود بالدار دبس عنب ولاّ رُمّان
وثلاثين يوم ، ولاّ تسعه وعشرين ، نصومهن ونقومهن كل من عَ طاقته ،
وآخر ليله بننعف كرسنه ولاّ زوان
مشان تزحلق الشياطين اللي فلتت من أغلالها مع آذان آخر يوم ،
مبارك ها لشهر من أول سحور لآخر آذان
من ابداعات صالح صلاح شبانة
أحلى ايام كانت اياك رمضان بس للامانة لهلقيت في اجواء ضايلة من ايام زمان
ردحذفعن جد اللى اشتغل هاي المدونة روعة
بالتوفيق
وياعيني على أكلاتو وجمعاتو الروعة
ردحذف